4.5.04

Á eitthvað erfitt með skipulagið þessa dagana, veit einhvernveginn aldrei hvað ég á að vera að gera, á daglegum basís... er örugglega að gleyma einhverju, ætti að vera ég veit ekki hvar að leita að ég veit ekki hverju.

Kannski eru það bara plön um leikfélagalausan mánuð sem eru að fara svona með mig. Samviskan að naga mig fyrir að vera með klærnar út um allt land að pína menn til að setja upp einþáttunga fyrir hátíðina á Dalvík án þess að vera að gera baun í bala sjálf.

Allavega, veit aldrei hvaða dagur er, er alltaf jafn hissa á því hvað klukkan er og get ekki skipulagt einu sinni fram fyrir nefið á mér þessa dagana. (Og ef ég reyni það þá gleymi ég jafnóðum hvað ég var að ákveðja.) Held ég hafi kannski smitast af óvirkum alkóhólisma og geti þessvegna bara tekið einn klukkutíma í einu.

Það fer ekki vel í fólk með kvíðaröskun.

Engin ummæli: