23.1.06

+10

Murrrr. Kann einhver að búa til svona myndaalbúm á alnetinu, eitthvað sem er þokkalega þægilegt að vinna með til framtíðar? Er langt komin með að pirra úr mér barnið með tilraunastarfsemi sem klúðrast svo og fer bara í pirrurnar á mér. (Sem þýðir náttlega að ég ætti að halda áfram að reyna...?)

Í dag er víst ömurlegasti dagur ársins, skv. Mogganum, þannig að ég er að huxa um að eiga ekki í dag. (Gá hvort asnaaðferðin virkar.) Rannsóknarskip fór í skólann með nokkrum semingi. Hann er þess alltaf fullviss að barnið spýtist úr mér um leið og hann snýr sér undan.

Allavega, held mér ætti að takast að birta hér, vegna fjölda áskorana, myndir af Kafbátnum Godoti eins og hann leit út daginn sem hann átti að fæðast:



10 ummæli:

Spunkhildur sagði...

Hurðu! Ég kastaði á þig útspýtingargaldri rétt í þessu. Kafbáturinn ætti að vera kominn til hafnar á miðnætti. Annars vinna himintunglin gegn mætti mínum akkúrat núna þannig að það myndi hjálpa til ef þú drykkir einn bolla af ítölsku kaffi og segðir stundarhátt: neepyyx en það hleypir straumi á þig í gegn um blogger. Veskú

Sigga Lára sagði...

Skemmtileg tilviljun. Er búin að drekka kaffi mér til skjálfta í dag og ætla að bæta um betur með því að gúlla í mig saltkjeti í kvöldmat.

Sagði svo neepyyx og bæti við ouzkb til áhrifsauka.

Litla Skvís sagði...

myndaalbúm:
www.snapfish.com
www.yahoo.com
www.photobucket.com

Gummi Erlings sagði...

flickr.com er líka mjög gott stöff. Og ég held að uxkxwe sé vel leglosandi stöff.

Nafnlaus sagði...

Bara ekkert áfengt, þá hættir krílið snarlega við að yfirgefa barinn. Og samkvæmt því erum við þá öll alkar að upplagi.
Skál og izmuux!

Nafnlaus sagði...

Á þessi bumba engan haus, hvurs lags er þetta?? Líst vel á þennan útspýtingargaldur hjá Spunkhildi, oflangtgengnar tilvonandi mæður myndu kaupa hann fyrir milljónir, þú myndir græða vel á að koma þessari hugmynd í bisness!

Sigga Lára sagði...

Æi, hausinn á ístrunni er eitthvað svo feitur og skrítinn og með slæmt hár þessar vikurnar. Nenni helst ekki að birta myndir af honum fyrr en hann verður orðinn sæmilega áhorfanlegur aftur, bjúglaus og búinn að fara í klippingu.

Nafnlaus sagði...

Æi Sigga mín þú ert alltaf sæt. Með og án bjúgs! Ég trúi að accfl sé áhrifarík leið til að koma kafbát af stað en þó held ég að þú farir slétta fjórtán daga, jafnvel fimmtán. Mér segir svo hugur um.. En reyndu að komast sjálf í gang, í guðsbænum. Ef þú hringir í mig þá þekki ég MJÖG áhrifaríka leið en hún er ekki prenthæf. Og nei. Það eru ekki samfarir!

Nafnlaus sagði...

Þetta kemur Sigga mín, vittu til! 26. jan upp úr þrjú skríður stelpan í heiminn og glottir! Knús að norðan og farðu vel með eyfirðinginn knáa með kærri kveðju til ykkar allra.
knús Halla

Gunnella sagði...

Ég mæli með www.flickr.com þar sem að það er ekkert mál að blogga síðan myndirnar!