2 mínútur á mann. Alveg nóg. Hrjót, hvað það þarf að senda allt þetta lið á einhvers konar... áhugaverðu-í-ræðumennsku-námskeið.
Og spennandi að sjá hve margir úr ríkisstjórn og af alþingismönnum láta svo lítið að mæta á fundinn í kvöld. Sjálfstæðisfélögin og Heilbrigðisráðherra eru allavega búin að boða einhvern annan almennigsfund í Gerðubergi á sama tíma. Tilviljun? Sennilega álíka mikil og handtaka Hauks hennar Evu um daginn. Fokkíng banana-fasistalýðræðiskjaftæði alltaf hreint. Ég vona bara að einhverjir taki að sér að mæta á fundinn í Gerðubergi, leggja til að honum verði frestað og bjóði svo ráðherranum far niður í Háskólabíó.
Það segir auðvitað sína sögu um þessa handónýtu ríkisstjórn að hún þori ekki að mæta þjóðinni milliliðalaust og svara nokkrum laufléttum spurningum. Það var mögnuð stemming á fundinum síðasta mánudagskvöld. Ef Alþingismenn eru með sitt á hreinu geta þeir komið mjög vel út úr svona fundi. Það að þeir sjái ekki sóma sinn í að mæta gefur hins vegar mjög skýr skilaboð um að þeir þori hvorki né nenni að tala beint við þjóðina og/eða að norski herfræðingurinn hafi bannað það þegar hann gaf leiðbeiningar um hverju og hvernig ætti að ljúga í þjóðina við aðstæður sem þessar.
Svo er ég komin með leið á þessu björgunarleiðangurskjaftæði. Mig minnir að Baggalútur hafi sagt einhversstaðar í upphafi hruns að ríkisstjórnin ætli að tækla kreppuna með lélegum myndlíkingum. Sem hún er einmitt búin að gera svakalega mikið af. Við erum jú bókmenntaþjóð, en kommon. Fyrr má nú rota en fótbrjóta.
Enda er mun líklegri björgunarlíking svona:
Það varð sjóslys og stjórn björgunarsveitarinnar tók peningakassann og ólöglega bókhaldið og flúði til fjalla. Húkir þar og reynir að bjarga eigin skinni meðan hún öskrar í gjallarhorn úr öruggri fjarlægð að einhverjir aðrir hafi líka stolið og svikið og spillst.
7 ummæli:
Tíhí, ég var einmitt að hlusta á beinu útsendinguna af alþingi og skipuleggja drykkjuleik, t.d. sopi í hvert skipti sem einhver segir skjaldborg, björgunarleiðangur og eitthvað fleira sem ég man ekki einu sinni lengur. Það yrði samt örugglega mjög stuttur leikur, svona svipað kannski og partíspilið sem við fórum í tvær hérna forðum daga.
Já, kræst. Ég get auðveldlega farið í svona leik. Með hóstasaft. En ég er hrædd um að ég yrði alveg kolmeðvitundarlaus áður en unglingurinn fær að skipta yfir á hírós klukkan 9.
Maður þarf bara að haga reglum eftir aðstæðum. T.d. klára úr flöskunni ef Árna Johnsen stekkur bros á vör.
Hverjir ætli standi úti í horni og púi alltaf þegar minnst er á að bankarnir hafi verið gefnir?
Ætli Bjólfarnir séu á fundinum?
Mér sýnist nú Geir og Ingibjörg Sólrún vera þarna bæði og raunar ótrúlega margir þingmenn.
Já, það kom mér alveg verulega á óvart. Þau gera heilbrigðisráðherrafíflinu skömm til. Enda, eftir ræðu dagsins hefði ég hent eggjum í sjónvarpið, ef hann hefði mætt.
Geir og co þurfa nú varla að gera neitt á þessum fundi annað en að verma sætin sín, hann verður búinn áður en kemur að því að þjarma að liðinu.
Skrifa ummæli