Það virkar þannig að manni er úthlutað einhverju. Er það ekki? Maður fær ekki lóð/viku í orlofshúsi úthlutaða. Er það nokkuð? Er alltaf að heyra þetta, meira að segja í Fasteignasjónvarpinu, og mér finnst það bara kjánalegt. Eða kannski er ég bara svona úthlutuð.
Annars, lögðum Egilsstaði undir fót í gær og heimsóttum alla. M.a. allar hæðir á safninu, Stebbu móðursystur og Sillu og Jón Gunnar. Það var nú skemmtilegt og við þökkum allar góðgerðirnar. Svo fékk ég að fara pínu á stjórnarfund hjá Leikfélagi Fljótsdalshéraðs í gærkvöldi. Og það var ljómandi. En Freigátan hélt öskurtónleika fyrir föður sinn á meðan. Hún er að verða mömmustelpa.
Erum sumsé í góðu yfirlæti og þurfum nú ekkert að gera nema hanga þangað til við leggjum af stað norður á föstudag.
4 ummæli:
Man þegar barnsmóðirin skrapp út á lífið og ég einn með soninn. Hann öskraði eins og stunginn grís og ég leitaði eins og ég gat að aðferð við að þagga niður í honum. Það eina sem dugði var að láta renna í eldhúsvaskinum, þannig að við feðgar áttum þarna quality time við eldhúsvaskinn fram eftir kvöldi.
Mér finnst úthlutun svolítið kjötvinnsla. Ljótt orð.
Íhlutun er líka ljót.
Hlutleysi er hinsvegar ágætt, nema á alþingi með litlu.
þú ferð nú með flotann á seyðisfjörð er það ekki..? bara svona til að sýna...
Verðið þið nokkuð komin söðör um helgina? Þá verður Mærþöll nebbla sýnd, á laugardagskvöld og sunnudagskvöld, en bara þessa daga. Fyrir áhugafólk um óperur og þá sem hafa grátið það að hafa misst af Kolrössu er náttúrulega bráðnauðsynlegt að koma á þessa sýningu á nýrri íslenskri ævintýraóperu.
Sjáumst vonandi í Íslensku óperunni:)
Tóta.
Skrifa ummæli