25.9.05

Nú ætla ég að tjá mig um baugsmálið:

ZZZZZZZZZZZZZZZZZZZZZZZZZZZZZZZZZZZZZZZ
ZZZZZZZZZZZZZZZZZZZZZZZZZZZZ
ZZZZZZZZZZZZZZZZZ

Gott að vera búin að því.

Nutum annars einstaklega fjölskylduvænnar helgar. Smábátur var aðeins lasinn í gær, en varð gestakoma Guðmundar E og sonar í dag til snarlex afturbata. Í framhaldi af því undum við okkar kvæðum í krossa og flækjur og fórum í bíó að sjá Kalla og sælgætisgerðina. Sem var alveg skemmtileg og full af skemmtilegum fróðleik um uppeldi, eins og upprunalega sagan er. (Ég verð reyndar að taka undir með Nönnu og fleirum að fjölskylduvæmi Wonka var algjölega ofaukið og ljóslega gert fyrir sauðstjúpid markað sem þarf að fá boðskapinn með teskeið.)

Ég lærði líka eitt um uppeldi af hrókasamræðum á milli mæðgna sem sátu fyrir aftan okkur: Það alfyrsta sem Kafbáti verður kennt, um leið og hann kemur í heiminn, verður að snarsteinhalda sér saman í bíóum, leikhúsum, og öðrum stöðum sem til er ætlast. Og þangað til þeim lærdómi hefur verið náð, skilyrðislaust, fer barnið EKKI þangað. Og hananú. (Ég held ég hafi verið farin að gnísta tönnum þannig að það heyrðist á tímabili. Og við færðum okkur langt í burtu í hléi og nutum þess að heyra BARA í myndinni það sem eftir var. Sumt fólk er bara algjörlega fokkíng fífl.)

Og nú er Law&Order að byrja og þar með er ég búin að blogga frá mér tímann sem ég hefði huxanlega getað notað til að skrifa í leikritinu.
Enda nennti ég því ekkert...

2 ummæli:

Varríus sagði...

Börn eru reyndar ekki barnanna verst með að þegja í leikhúsi/bíói. Ef einhver væri til í að kenna GÖMLU FÓLKI þessa sömu sjálfsögðu kurteisi þá væri það vel þegið.

Þegið!

Nafnlaus sagði...

Það rifjast upp fyrir mér að í eitt af fyrstu skiptunum sem ég fór með miðbarnið í bíó fékk hann nammipoka, stakk einu upp í sig og öðru í hendina... svo byrjaði myndin. Augu og eyru galopnuðust og tennurnar hættu að tyggja. E-a hluta vegna var ekki hlé. Þegar myndinni lauk var nammið enn í munninum og hitt í hendinni. Það þarft víst ekki að óttast að svona fólk tali af sér í bíó.