10.1.06

Hrmpf...

Bloggaði fyrr í dag, en færslan hvarf á alveg flunkunýjan hátt út í óravíddir netheima. Man ekkert hvað ég var að segja, held ég hafi verið fyndin, menn verða bara að nota ímyndunaraflið...

Heyrði í Svandísinni minni í dag. Mikið var það nú ógurlega gaman. Þar létti nokkuð fýluskýinu sem er búið að vera að plaga mig. Restin fer vonandi á eftir þegar flotinn kemur með pizzuna.

Amm.

PS: Nei, ekkert bólar á neins konar barneign. Allir bara voða rólegir og Kafbátur spriklar bara og hixtar og er alveg sama hvað hann á að heita. Sem er eins gott, ef hafður er í huga... margbreytileiki... tillaganna sem rignir inn þessa dagana.

tyxjjbf

11 ummæli:

Nafnlaus sagði...

Ég er enn alveg viss um að 13. verður góður dagur fyrir Kafbáta.....

Svo hef ég heyrt að tánudd hjálpi til við að koma af stað fæðingu... kannski var það einhver sérstök tá ... man þetta ekki alveg...

Nafnlaus sagði...

Því miður virka engar af þessum aðferðum til þess að reyna að flýta fyrir fæðingu! Bara sorrí, það eina sem er vitað um allar þessar aðferðir, eins og kynlíf, tánudd, hoppa, hlaupa stigana og allt þetta, er að þetta virkar ef móðirin finnur að fæðingin er að fara af stað (það er að segja í fyrstu hríðunum). Ææ, það er svo ferlegt að bíða svona... vonandi fer þetta nú allt að gerast!

Sigga Lára sagði...

Amm. Enda ætla ég nú bara að halda áfram að sofa í tíma og ótíma, þangað til eitthvað gerist. Í síðasta lagi verð ég sett af stað um 27. jan., kosturinn við það er að þá verður svefnfriður allan sólarhringinn í hálfan mánuð enn.
Svo er maður líka aðalgellan í grindkvalasundinu þegar maður er kominn "á tíma". ;-)

Ljómandi bara.

Svo er þetta líka bara að verða svo spennandi keppni. Menn týnast út úr veðbankanum, einn af öðrum... Og Bibbi verður æ sigurstranglegri með sinn 25.

Nafnlaus sagði...

Jamm! tvær vikur sléttar í dag! Svo er bara að vona að ég hafi líka giskað rétt á nafngiftnina. Ef svo fer mun ég fagna að sið Zulu-manna á seytjándu öld: mtuuoq, mtuuoq!

Nafnlaus sagði...

"Sett af stað"!!!

Það er eitthvað við þessa lýsingu sem ég á erfitt með að höndla. Ég sé alltaf annaðhvort bifvélavirkja með startkapla(ekki gott) ellegar tvo vörpulega sjúkraliða að ýta óléttunni í sjúkrarúmi (sb. ýta í gang pælingin. Gott ef þeir æpa ekki hvor á annan: "Ertu búinn að tékka á rpmpj-inu í henni"??

Sigga Lára sagði...

Já, verð að viðurkenna að ég hef ekki sett mig inní hvernig það fer fram, og vil það eiginlega ekki...

Þetta með startkaplana væri nú sennilega samt betra en flest sem ég get ímyndað mér...

Annars er ég hrædd um að þessar aðgerðir séu eitthvað... mwfje.

Nafnlaus sagði...

Í guðsbænum reyndu í lengstu lög að forðast "gangsetningu" það er ekki gott!! Þá byrja hríðarnar af fullum krafti í stað þess að stíga hægt og rólega. Ég ´hef einusinni verið gangsett og það eina sem ég gat gert var að öskra: qtqgqvz!! og harðneitaði því í næstu tvö skipti, JAFNVEL þó ég væri komin hálfan mánuð fram yfir OG sónarinn sýndi tuttugu marka...STELPU! Sem varð reyndar strákur... sem fót heim í bleikum náttgalla af fjögurra mánaða frænku sinni!!
En fæðngin byrjar... einhverntíma. Það er bara að bíða róleg.

Nafnlaus sagði...

Sæl Sigga Lára. Skoða síðuna núna á hverjum degi og bíð eftir því að kafbátur láti sjá sig. Vona að það verði fljótlega, kv. Guja

Nafnlaus sagði...

Þar er einmitt það. Það var svo ekki fyrr en konan mín var „gangsett“ að 20 marka stelpan kom. Ef þið viljið vita það, þá virkaði gangsetningarstíllinn ekki rassgat. Þegar belgurinn var svo sprengdur þá gerðist þetta hratt. Klukkutími og korter. Og metið var slegið. Fyrri tvær fæðingar tóku 4 tíma frá fyrsta verk og 1 og hálfan frá fyrsta verk. Það er náttúrulega rugl. En mikil forréttindi.

Lnmtccw? (En bara náttúrulega ef það verður stelpa!

Sigga Lára sagði...

Þetta þykja mér einkar góðar og hughreystandi tölur! Og ekki er verra að þær eru í nokkuð góðu samræmi við fæðingalengdir formæðra minna og ættkvenna. Var að frétta af tveimur frænkum mínum sem voru svo snöggar að þær komust ekki einu sinni uppúr baðinu.

Alheimurinn láti gott á vita.

Nafnlaus sagði...

Mín komst einmitt ekki upp á fæðingarrúmið með nr. 2 en var látin ganga þangað samt (dregin) með höfuð milli fóta (úr mónitórherberginu) af því ljósmóðurómyndirnar trúðu því ekki að þetta gengi svona hratt. Það var ÓÞÆGILEGT.