Koma svo, Hálfvitar!

Maaaaletta!

Framsóknarfælni

Mikið ofboðslega hef ég nú geðveikislega enga trú á því að framsókn fari í þriggja flokka samstarf til vinstri eftir kosningar ef þeir ná meirihluta með sjöllum. Ég hugsa að þetta verði óskaplega einfaldar kosningar. Bara hægri eða vinstri. Ríkisstjórn samfó/vinstri eða sjalla/framsókn. Repúblik og Demókrat, eins og í Ammríkunni. Nema það komi upp sú stórfyndna staða að frjálslyndir verði í oddastöðu...

Og ef sjallar og framsókn halda áfram eftir kosningar, gerist þá þetta?

Þó ég sé reyndar öll í því að trúa öllu slæmu upp á framtíðina verði sú ríkisstjórn ofaná þá er ég ekki alveg trúuð á þennan "spámann" þeirra á Útvarpi Sögu. Týnt er til hvað hann á að hafa sagt rétt fyrir um... ekki hverju öðru hann hefur spáð. Og svo gúgglast hann ekki. Ég held nú helst að þetta sé bara Jóhannes í Bónus eða eitthvað.

Soldið skerí framtíðarsýn samt... Ætli maður drífi sig ekki úr landi næst þegar Sjálfstæðisflokkurinn kemst í ríkisstjórn. Svona til öryggis. Og ég ætla ekki einu sinni að segja lélega stuttbuxnastrákabrandarann að "sá síðasti slökkvi á eftir sér í Leifsstöð." Frjálshyggjufíflin verða væntanlega eftir. (Í götubardögum og dópi uppfyrir haus á framfæri IMF?)

Verði þeim að góðu, bara. Held það fari ágætlega um okkur hin hjá undanförum okkar í Manitoba.

Hlekkir hugarfarsins

Það er alveg satt. Gildin í samfélaginu hafa verið að harðna. Allt hefur einhvern veginn verið til sölu og yfirborðið verið mikilvægara en innihaldið. Og það er útlit fyrir að nú sé pendúllinn að byrja að sveiflast í hina áttina.

Enn eru menn nú samt við sama heygarðshornið, í bili. Ég held að hugarfarsbreytingin gerist ekki með því að "nýja Íslandi" sé troðið ofan í kok á lýðnum með extensívri ívent planníngu á "viðburðum" sem heita kærleiks- eitthvað og vangaveltum um nöfn eða tákn byltingarinnar eins og um ímyndarherferð sé að ræða.

Fyrsta táknið um hugarfarsbreytingu til mannlegri átta verður að fólk verður hætt að hugsa á þessum nótum.

Þegar hámarksárangursgeðveikinni linnir.
Þegar aftur má gera hluti af engu sérstöku.
Þegar ekki verður lengur sjálfgefið takmark að eignast milljón skrilljónir.

Þá fer að sljákka í öld alheimsfrekjunnar.

Jájájájájájájá

Afleiðingum þessa örlagaríka fyllerís ætlar aldrei að linna.
Hitti leikstjórann áðí.
Er aðstoðarleikstjóri.

Jájájájájájájájá.