Jæja.
Þá er ég búin að vera í tvo daga í spennandi vinnunni minni. Ég er búin að vera að reyna að þrífa óþrífanlegt dót, gera við ógeranviðlegt dót, og finna út til hvers allskonar dót er, sem er bara gamalt og enginn veit til hvurs var notað. Ég held helst að menn hafi dundað sér við að smíða allskonar sem gerði ekkert, bara til að rugla fornleifafræðinega, og svoleiðis fólk. Hann Karl í Koti er semsagt að verða skrítnari og skrítnari. Þetta er alltsaman gífurlega skemmtilegt og ég er að huxa um að verða svona gömul og skrítin keeelling sem er alltaf í kjallaranum á minjasafninu að tala við sjálfa mig og taka í nefið þegar ég verð stór.
Svo fór ég að sjá stórskemmtilega leiksýningu hjá Menntaskólanum á Egilsstöðum í gær, en þau voru að setja upp ofbeldisleikinn Stútungasögu eftir Ljótu Hálfvitana og Hjördísi í leikstjórn Odds Bjarna Þorkelssonar. Var það skemmtan mikil, vel unnin sýning og merkilegur fjandi hvað þetta getur leikið, meira að segja. Ég fattaði að þetta var ammælissýning, ég var nebbnilega formaður í þessu sama leikfélagi fyrir akkúrat 10 árum síðan. (Man einhver eftir "Ef"?, já, það eru orðin 10 ár.)
Ekki eru nú viðburðir kvöldsins þar með upp taldir, við Rannveig skruppum á Hótelbarinn á eftir að fá okkur bjór/kók, þar lenti ég á kjaftatörn við einhverja menntaskólakennara og skrítið fólk, svo þegar ég var farin að huxa mér til heimferðar, þá ruddust inn allir efstu menn á listum Norð-Austur kjördæmis, og ég þurfti aðeins að ræða málin við Halldór Blöndal, og fleiri góða menn, og segja þeim hvernig á nú að vera á þingi.
Kræst, hvað ég vorkenni þeim. Nú þurfa þau öll að vera á þvælingi um landið í mánuð í viðbót, og alltaf þykjast vera jafn áhugasöm um hvað hverjum einasta sótrafti á landinu finnst um tilvist þeirra og persónu, svo maður minnist ekki á stefnumál. Úff.
Annars voru þarna bæði Brynjar Sindri (í framboði fyrir Frjálslynda) og Hjalti Þorkels, þannig að við gátum næstum haldið upp á svona míní 10 ára útskriftarafmæli.
Þetta var sumsé mikið afmæliskvöld. Gaman að því. Ég drakk alveg ÞRJÁ litla bjóra og hef nú fullnægt öllu félagslyndi fyrir svona mánuð.
Jibbíkóla.

Gífurlega spennandi dagur. Er búin að ráða mig í smá vinnu hjá henni Rannveigu uppi á safni, hálft starf allavega út maí, sem felst m.a. í því að skrifa fyndna og fræðslukennda barnabók um kotbónda. Hann Karl í Koti er á frumþróunarstigi og á eflaust eftir að verða mjög afturúrkreistingsleg og skrítin skepna.
Semsagt, komin í lífsgæðakapphlaupið, svona smá, og er að verða gífurlega mikilvægur hlekkur í fæðukeðju Austur-Héraðs.

Meiri próf:
I am 57% Tortured Artist

Art is significant in my life, people are scum but I have the capicity to deal with it. Give it a few more years and I will either forget about art or hate the world.

Take the Tortured Artist Test at fuali.com

og:
I am 83% Evil Genius

I am pure evil. I lie awake at night devising schemes of world domination, and I will not rest until all living souls bend to my will.

Take the Evil Genius Test at fuali.com

Hahahahahohohohihihihæ!

Jæja, laus við hörmungans hausverkinn og bara komin aftur með þetta venjulega "ringl". Það er nú aldeilis fínt, og ég skal aldrei kvarta yfir því framar, eða eins og segir í leikritinu "enginn veit til angurs fyrr en reynir".
Átti annars ágætis afmælisdag, þann dag duttu í heimsókn til mín, fyrir skemmtilega tilviljun, Toggi og Oddur, og skemmtu þeir mér lengi dags með ýmsum spé og spekisögum. Svo er sá síðarnefndi að frumsýna Stútungasögu eftir þann fyrrnefnda með leikfélagi ME á föstudaginn, og þanga ætla ég, enda akkúrat 10 ár síðan ég var formaður þess ágæta leikfélags.
(Bæðevei, allir sem útskrifuðust með mér, við eigum 10 ára útskrifarammæli í vor!!! Kannski heldur Hjalti aðra fyndna ræðu...)
Annars er ekkert gífurlega mikið að gerast. Ég prjóna bara og er að lesa Íslendingasögurnar, búin með Egil Skallagrímsson og er að byrja á Gunnlaugu ormstungu. Suma daga taka ég með fornyrðislagi.
Nú ætla ég að gá hvað allir hinir eru að gera. Er ekki bloggið sniðugt? Ég eiginlega ræð mér ekki.

Er komin attur, en er með hausverk dauðans sökum ráns lækna á heilavökva og get ekki verið upprétt lengi. Semsagt, skrifa eitthvað skemmtilegt þegar ég get verið í tölvunni í meira en 2 mínútur.