MAMA

Vonda stóra hurðin á aðalbyggingunni í háskólanum er farin að opnast sjálfkrafa þegar maður kemur að henni. En það er alltaf sama lyktin inni á nemendaskrá. Og alltaf sama röðin út úr dyrum. Það er búið að troða nýjum húsum allt í kringum Lögberg. Svo núna eru endanlega engin bílastæði, nema einhvers staðar lengst úti í Vatnsmýri. Og Nýi Garður er morandi í fólki sem skrifar undir hvað sem ég bið það um.

Og hvað var konan að þvælast úti í háskóla? Spyrja menn sig ef til vill.

Hún var að sækja um framhaldsnám í Hagnýtri ritstjórn og útgáfu. Sennilega með Menningarmiðlunarívafi. Raxt á umsjónarann minn úr síðasta master, sem sagði að þetta væri sniðugt og var svoleiðis aldeilis til í að mæla með mér. Og fullyrti að ég kæmist þokkalega pottþétt inn. (Og hann ræður því.)

Með þessari frétt er mynd af prinsessunni, að ósk ofurfrænkunnar í austrinu. Freigátan átti að vera ánægð með nýju gráðuna, en ég frétti hjá skorarformanni áðan að þegar maður er kominn með tvöfaldan master heitir það að vera MAMA.