4.6.08

Úffpúff

ókei. 5 manns þurfa að fara í 3 áttir og hafa með sér allt sem þeir þurfa til sumarsins. Nema einn. Sem kemur aftur hingað í júní. Farangur þriggja þarf að fara í bíl í kvöld. Þeir þrír og sængurnar þeirra fara austur á bíl á föstudaginn. Hinir tveir fara saman fljúgandi norður á föstudaxkvöld. En þar skiljast leiðir þeirra, svo þeir geta ekki haft sameiginlegan farangur.

Í dag þarf sumsé að pakka niður fyrir þrjá. Og reyna að klára þvottinn. Og reyna að nálgast skattkortið mitt sem er búið að vera í notkun hjá Rannsóknarskipi og er að fara í fæðingarorlofssjóð. Og komast að því hví í andsk... við erum að fá rukkun fyrir leikskólagjöld á leikskólanum sem við vitum ekki einu sinni ennþá hvenær Freigátan má byrja á en verður aldrei fyrr en eftir miðjan ágúst.

Og svo er bongóblíða, en Hraðbátur er enn með hor svo við erum bara inni að stressast og komumst ekki einu sinni í síðasta jógatímann. Andsk. Djöf.

Mikið verð ég nú fegin þegar allir verða búnir að ferðast, í bili. Þá ætla ég að vera komin í makindin hjá mömmu fyrir austan með litlu gormana. Og, viti menn, það verður komin rigning!

Engin ummæli: