Ókum eins og landafjandar alla leið austur í gær á meðan Hraðbáturinn setti persónulegt met í svefni og Freigátan annað slíkt í nammiáti. Í dag eru allir frekar eftir sig. Við Freigátan erum samt búnar að hafa það af að rölta kvennahlaupið og ég er búin að fara með Hraðbátinn og leyfa honum að toga í nefið og hárið á langömmu sinni. Það fannst henni nú gaman. Freigátan er líka búin að fara í sína fyrstu læknisheimsókn hér, þetta sumarið, en við ræstum út lækni í dag vegna þess að hún var komin með illa ógeðslega augnsýkingu. Henni fannst fúlt að fá ekki að bíða á biðstofunni. Hún fékk augnkrem.
Nú er hún sofnuð, eldsnemma, og Hraðbáturinn að skemmta ömmu sinni. Og ég ætla að gá aðeins hvernig fótboltanum líður. En sé fram á að verða ekki með nema tæplega annað augað á honum, þetta stórmótið.
Talaði annars við Rannsóknarskip áðan og heyrist ekki vera neitt sérlega leiðinlegt á skólanum. Svo er hann í herberginu sem við systir hans vorum í um árið, svo mér finnst ég nú eiginlega vera þarna...
1 ummæli:
Er Árni í herberginu okkar!!! En gaman :) ég held ég fari bara næst ;)
Skrifa ummæli