2.2.05

Vér ítrekum:
Hver tók ostinn minn, eftir Báru Sigurjónsdóttur verður flutt af Lúðrasveit Reykjavíkur í Borgarleikhúsinu í kvöld klukkan 10. Mæti allir sem vettlingi geta valdið og misstu af síðast.

Sjálf veld ég reyndar engum vettling, vegna leikæfingar.

Í gær var haldinn fyrsti félagslegi samhristingur í Aðfaranæturhópnum, gerðumst við þaulsetin á Andarunganum, hinum ljóta, og varð af því hin besta skemmtan. Svo góð, meiraðsegja, að ég þurfti að sækja bílinn minn niður í bæ í morgun. Aldrei skyldi maður vera á bíl. Það er óttalegt vesen.

Og í vorum híbýlum er ekki lengur ein einasta rússnesk ljósakróna! Hann Árni minn sveiflaði skrúfjárninu í gær og setti upp ljós fyrir mig. Eins og að drekka vatn og án þess að mæla æðruorð. Rannsóknarskipið er hetja mánaðarins, eins og reyndar flestra mánaða hingað til og hér eftir. En nú þarf hann víst að fara heim til sín, annað hvort í kvöld eða fyrramálið og það verður nú Ljótan. Og verður þá heldur ókátt í höllinni þar sem ólíklegt er að ég nái að berja hann augum aftur fyrr en einhvern tíma hérumbil um páska.

Reyndar lítur út fyrir öld annríkis á næstunni, ný aukaverkefni eru að skjóta upp kollunum hér og þar og sum hver hafa þau deddlæn. Líklega fer að koma tími á að kaupa skrifborðsstól og rigga upp heimaskrifstofunni, sem hingað til hefur verið notuð til að þurrka þvott.

5 ummæli:

Nafnlaus sagði...

Heldurðu nokkuð að rannsóknarskipið væri til í að gera sér ferð hingað vestur að taka niður rússnesku ljósakrónuna sem er á ganginum hjá mér....ENNÞÁ!!
Bóndinn segir hana keypta í Pétursborg í ferð Hugleiks til Rússíá, þessvegna sé hún bæði smart og ómetanleg. Ég er ekki alveg sammála..........

Gadfly sagði...

Vér lýsum hér með yfir sárum vonbrigðum yfir því fatlaða fyrirkomulagi að flytja ostinn eftir að komið er fram yfir skynsamlegan háttatíma. Mig dauðlangaði að fara en tímasetningin rakst á við önnur plön allra á heimilinu. Kem hér með á framfæri hamingjuóskum með göfugt ætterni þitt og von um að ég fái síðar tækifæri til að berja snilldarverk systur þinnar eyrum.

(Hér ætti að vera mynd af eyrum að lúberja lúðrasveitina.)

Berglind Rós sagði...

Tek undir vonbrigðin, reyndar rakst þetta líka á við lungnabólgu smábarnsins og söfnun undirritaðrar á gúddvill á heimilinu fyrir komandi þorrablót :-D En ég sá umfjöllun um þetta merka verk í blaðinu, ég bara bíð spennt eftir næsta flutningi!

Spunkhildur sagði...

Hvað hefur komið fyrir, ekkert blogg í meira en sólarhring. Ég fyllist kvíða og fráhvörfum af verstu sort. Brrrr...

Sigga Lára sagði...

Nú hefurðu langhund til uppbótar, mín kæra.