9.2.09

Getraun um forsætisráðherra og bankastjóra

Ef þið lagið ekki þvæluna sem þið gerðuð í síðasta vaxtaóðagoti, er það endanlegt dæmi þess að þið vitið ekki hvað þið eruð að gera og þá mun ég sjá til þess fyrr en nokkurn grunar að menn komi að bankanum sem viti hvað þeir eru að gera. Ég vil fá svar frá þér annað en skæting í fjölmiðlum strax því ég mun ekki sitja lengur kyrr.

Hvaða forsætisráðherra skrifar til (banka)stjóra hvaða stofnunar sem hann ku ekkert eiga með að hafa afskipti af?

Vísbending: Það er ekki sama hvort er, forsætisráðherra eða Bubbi kóngur.

Fyndiiiið.

Svo ætla ég, alveg án leyfis höfunda, að birta fynd sem ég sá á fésbókinni:

Ásta Gísladóttir spáir í hvort jarðvegurinn sé ekki hárréttur fyrir nýja uppsetningu á Bubba kóng.
Oddur Bjarni Þorkelsson: er hún ekki í gangi - ósýnilega leikhúsið í seðlabankanum?

Algjörlega!
Mar verður að fara að lesa Jarry. Ég held hann sé fyndnari en venjulega, þessa dagana.

3 ummæli:

Ásta sagði...

Hehe :)
Ég rakst á einhverja barnalandsumræðu þar sem verið var að ræða Davíðshroka (nema hvað) og einhver segir sem svo "er það ekki þess vegna sem hann er kallaður Dabbi kóngur?" Og fór að spá í hvort fólk viti yfir höfuð eitthvað um leikritið sem maðurinn er að eilífu kenndur við - held það hafi lítið verið sett upp hér síðan Herranótt var með það fyrir á fjórða tug ára - og hversu skuggalega sannara það verður með hverjum deginum.

Nafnlaus sagði...

Ég bíð þess í ofvæni að sjá hvernig uppáhalds sviðsdíreksjón mín evver verður leyst í þessari uppfærslu:

"Pólski herinn kemur inn frá hægri."

Sigga Lára sagði...

Já, helv... og allir Pólverjarnir nýfarnir...