hversu margir muna eftir honum Catalano og því dæmi öllu saman. Rannsóknarskipinu varð reyndar ekki alveg um sel, sérstaklega þar sem ég mundi ekki einu sinni eftir persónunni sem hann ædentifæaði með í þessum þáttum. Í sárabætur fékk hann að taka seinnivakt á menningarnótt og djamma um kvöldið meðan ég var heima hjá lösnum Smábát.
Menningarnóttaði sjálf að deginum til og sá t.d. Báru spila sniðuga hljóðskák á útitaflinu. Þar voru lúðrasveitarmenn í gerfi taflmanna sem gerðu hávaða eftir því sem þeim var leikið. Skemmst frá því að segja að litla systir lenti í þeim óskunda að vera hrókur, þ.e.a.s., vera færð tvisvar og svo drepin. Svo tapaði liðið hennar líka. En það var gaman að sjá þetta. Flugeldasýningin sást best úr stofuglugganum mínum. Það var hentugt.
Og það er hætt að vera hola við hliðina á vinnunni minni! Mennirnir sem vinna þar eins og byggjarnir í Búrabyggð eru komnir langleiðina með að byggja hús. Hins vegar er búið að taka Laugaveginn fyrir framan vinnuna mína og setja þessa fínu holu í staðinn þar. Ekki veit ég hvað þeir ætla að byggja uppúr henni, á miðri götu.
Jæja.
Jæjajæja.
2 ummæli:
Hver var það sem þú mundir ekki eftir? Voru annars einhverjir fleiri en Angela og Catalano í þessum þáttum :-Þ
Mér varð hugsað til hans Jared Leto í gærkvöldi þar sem ég sat og horfði á The Wedding Date. Myndin er nefnilega hálfmislukkuð (finnst mér), vegna þess að maðurinn sem átti að vera svo ómótstæðilega myndarlegur og sjarmerandi var það bara alls ekki. Hins vegar ef ég hefði verið að kasta í þessa mynd þá hefði ég sko sett Jared Leto í þetta hlutverk og þá hefði þetta svínvirkað! :-)
Jahá. Það er svo auðvelt að hafa hann í svoleiðis. Hann þarf ekki einu sinni að segja neitt. Bara mæna í myndavélina, þessum hvolpsaugum.
Þessi sem ég mundi ekki eftir... man ég ekki ennþá eftir. En Árni uppástendur að hann hafi verið nágranni hennar Angelu, og hafi verið geðveikt skotinn í henni. En hún tók ekkert eftir honum. Frekar en aðrir, greinilega.
Skrifa ummæli