hvað ég nenni ekki að fara að sækja um fæðingarorlof. Því síður að fara í Lánasjóðinn með skuldabréf og sækja um undanþágu til að fara niðurfyrir lágmarkseiningar eftir áramót vegna burðar en fá samt námslán. En til að þetta taki fljótar af er ég að hugsa um að gera bæði í sömu vikunni. Fæðingarorlofssjóðurinn er strax farinn að vera með múður. Heimtar að ég verði skráð í fullt nám eftir áramót til að eiga rétt á fæðingastyrk í næsta september. Þýðir ekkert að reyna að útskýra að ég sé í 20 einingum núna og 10 eftir áramót og líklega 15 næsta sumar sem er samtals 45 einingar sem er fullt nám í heilt árm frekar en hálft, sem það þarf að vera.
Neibb, engin liðlegheit hér.
Og það sem maður myndi gera í stöðunni væri að fara á staðinn með haug af pappírum og útskýra og ibba sig.
En skrifstofan er á Hvammstanga.
Ætli ég verði ekki að gá hvort háskólinn getur logið einhverju fyrir mig.
Þarf líka að kjafta eina konu þar inn á að leyfa mér að gera lokaverkefnið eins og ég vil.
Held ég leggi mig bara.
3 ummæli:
Já, vá... oij.... ég er einmitt að reyna að komast í þetta masókistastuð - en það lítur út fyrir að ég hafi ekki lengri frest en út þessa viku :/ Ég amk samhryggist þér í öllu þessu veseni, darl...
Skrifstofan á Hvammstanga og íbúðalánasjóður á Sauðárkróki!!! Allt í einu er ég á móti atvinnuuppbyggingu á landsbyggðinni. Allavega ef hún á að vera í þessu formi. Hvað verður það næst? Vesturbæjarlaugin á Skagaströnd?
Blessuð - þú getur fengið gistingu hjá mömmu og pabba á Hvammstanga þegar þú ferð að ibba þig.
Skrifa ummæli